Frímann

Opnun haustbókana þriðjudag 17. maí kl 18:00
Greiðsla
Yfirlýsing:
GREIÐSLUR - KVITTUN
Greiðslur fara fram í gegnum örugga greiðslusíðu hjá Borgun. Upplýsingar um greiðanda eru framsendar á kortakerfi Borgun og engar upplýsingar um kortanúmer eru slegnar inn á vefsvæði orlof.is/ki

Ef upp kemur eitthvert vandamál þá er hægt að fá nánari upplýsingar með því að senda póst á orlof@ki.is eða hringja á skrifstofu félagsins í síma 595-1111.

Eftir að greiðslu er lokið verður samningur um orlofshús / kaup á afsláttarmiða ásamt kvittun send til umsækjanda á uppgefið tölvupóstfang.

VEIKINDI, ÓVEÐUR OG AÐRAR ÓVIÐRÁÐANLEGAR AÐSTÆÐUR 
Leiga er aldrei endurgreidd ef tilkynning berst eftir að leigutími hefst.

-	Ef veikindi eða önnur meiriháttar áföll koma í veg fyrir orlofsdvöl skal tilkynna skrifstofu sjóðsins það skriflega svo fljótt sem kostur er ÁÐUR en leigutími hefst, eigi síðar en í hádegi á þeim degi sem leigan á að hefjast. Í slíkum tilfellum er heimilt að endurgreiða leigugjald gegn framvísun læknisvottorðs og uppfærist þá punktastaða. Ath. OKÍ greiðir ekki fyrir læknisvottorð. Læknisvottorð skal berast skrifstofu innan 2 vikna frá afbókunardegi.

-	Ef veður eða aðrar óviðráðanlegar ytri aðstæður, svo sem ófærð, aðvaranir lögreglu eða Veðurstofu, koma í veg fyrir orlofsdvöl endurgreiðir sjóðurinn 80% leigugjaldsins og uppfærir punktastöðu. Skrifleg beiðni verður að berast Orlofssjóði á orlof@ki.is, sem og staðfesting opinberra aðila (Almannavarna, Veðurstofu, lögreglu eða álíka) á ófærð í síðasta lagi við upphaf leigu.

-	Ef leigutaki þarf að afpanta eða breyta orlofsdvöl þarf að greiða breytinga- eða skilagjald sem kemur fram í gjaldskrá. Stjórn Orlofssjóðs áskilur sér rétt til að endurskoða gjaldið árlega. Núverandi gjald er 2.500 kr. 

-	Sé orlofshúsnæði afbókað með meira en tveggja vikna (14 daga) fyrirvara er leigugjald að fullu endurgreitt en skilagjald innheimt. Punktar eru þá bakfærðir að fullu.

-	Sé orlofshúsnæði afbókað innan 14-8 daga áður en leiga hefst er 75% leigugjalds endurgreidd og punktar bakfærðir að fullu.

-	Sé orlofshúsnæði afbókað áður en 7-3 dagar eru í upphaf leigutöku fæst 25% leigugjaldsins endurgreitt og punktar bakfærðir að fullu.

-	Sé orlofshúsnæði afbókað þegar minna en 3 dagar (72 klst.) eru í upphaf leigutöku þarf að greiða fulla leigu fyrir húsið auk punkta.

-	Þjónusta sem keypt er samhliða leigu, s.s. leiga á líni eða þrif á orlofseign er alltaf endurgreidd að fullu.

ÞRIF
Sé þrifum ábótavant eða um skemmdir eru að ræða á húsnæðinu eða búnaði þess þá áskiljum við okkur að innheimta gjald vegna þessa.
Sjá nánar reglur um afbókanir á Orlofsvefnum.

HÓTEL- OG FLUGÁVÍSANIR
Félagsmenn OKÍ geta keypt flugávísanir með Icelandair og hjá Flugfélaginu Erni.  Félagsmenn geta keypt niðurgreidda ferðaávísun sem hægt er að nota til að greiða gistingu á ýmsum gististöðum innanlands. Gjafabréf í flug eru aldrei endurgreidd. Ath. sjá skilmála á bréfum.

Einnig eru Útilegukort, Veiðikort og gjafabréf frá Úrval Útsýn/Sumarferðum niðurgreidd af Orlofssjóði.