Tjaldvagnar - Fellihýsi - Hjólhýsi
VR félagar geta tekið á leigu tjaldvagna, fellihýsi eða hjólhýsi af viðurkenndum leiguaðilum og fengið niðurgreiðslu frá VR gegn framvísun kvittunar. Niðurgreiðslan er 5.000 kr. pr. nótt en að hámarki sex nætur fyrir hvert orlofstímabil. Greitt er eftir að dvöl lýkur gegn fullri greiðslu fyrir vagninn, leigutímabil þarf að koma fram á kvittun. Nánari upplýsingar hjá þjónustuveri VR í síma 510-1700.
Afsláttur í ferðina
Hver félagsmaður getur keypt fjóra orlofsmiða á ári hjá Icelandair. Ekki er hægt að skila miðum eftir að þeir hafa verið keyptir. Afslátturinn er í formi orlofsmiða sem hægt er að kaupa á orlofsvef VR, sjá nánar hér. Óháð gjafabréfum Icelandair geta félagsmenn keypt gjafabréf hjá Úrval Útsýn og Sumarferðum.
- Orlofsmiði Icelandair kostar kr. 23.000 og jafngildir kr. 30.000 greiðslu upp í flug og/eða pakkaferðir í beinu áætlunarflugi til allra áfangastaða Icelandair, bæði innanlands og utan. Gjafabréf Icelandair gilda upp í skatta og gjöld þegar keypt er skv. almennu flugfargjaldi. Orlofsmiði Icelandair gildir í allt að fimm ár. Hægt að skoða gildistíma á vef Icelandair. Gjafabréfi þarf að ráðstafa áður en það rennur út, ekki endilega fljúga fyrir þann tíma. (ef gjafabréf rennur út t.d. í nóvember 2021 er hægt a bóka flug t.d. fyrir maí 2022, ef það er gert fyrir nóvember 2021).
- Gjafabréf Úrval Útsýn / Sumarferðir gildir sem 30.000 kr. afsláttur upp í pakkaferð. Gildir í allar auglýstar pakkaferðir til 31. des. 2021. Hver félagsmaður getur keypt tvo miða á ári. Nota má einn afsláttarmiða á hvern félagsmann. Ekki er hægt að skila né skipta gjafabréfum.
Flugfélagið Ernir - Flugávísun
Flugávísunin gildir sem greiðsla á flugmiða aðra leið fyrir einn, sjá nánari upplýsingar um áfangastaði og skilmála hér.
Útilegu- og veiðikort
Félagsmenn VR geta keypt útilegu- og veiðikort á skrifstofum félagsins og á orlofsvef VR, sjá nánar hér.