VR á orlofsíbúð í Reykjavík við Ofanleiti 27, mjög miðsvæðis í borginni. Gengið er af jarðhæð upp á fyrstu hæð. Íbúðin er með tveimur svefnherbergjum, svefnkrók, stofu, eldhúsi og baði og er útbúin fyrir 5 manns. Í íbúðinni eru þvottavél og þurrkari, barnarúm, barnastóll, straubretti og staujárn. Gæludýr eru ekki leyfð.

Íbúðin er einungis ætluð félagsmönnum VR utan höfuðborgarsvæðisins, þ.e. póstnúmer 230-262 og 300-900.

Íbúðin er til afnota um helgar og á virkum dögum. Komutími kl. 16:00 og brottfarartími kl. 11:00, en á sunnudögum er brottfarartími kl. 16:00 og komutími kl. 17:00. Lykill af íbúðinni er í lyklaskáp í anddyri. Hægt er að panta lín hjá umsjónarmanni, settið kostar 1000 kr. innifalið í því er; sængurver, koddaver, lak, baðhandklæði og lítið handklæði. Panta þarf með dagsfyrirvara. Gestir greiða sjálfir fyrir afnot af neti.

Umsjón með íbúðinni er í höndum umsjon.is í síma 7774434.

Vinsamlega athugið að reykingar eru bannaðar. Gæludýr eru ekki leyfð.