SKEIÐA- OG GNÚPVERJAHREPPUR

Flatir 19 við Árnes í Skeiða- og Gnúpverjahreppi, 801 Selfoss.

Orlofsbústaðurinn er 90 m2 að stærð. Í honum eru tvö hjónaherbergi með tvíbreiðum rúmum (160 x 200) og eitt herbergi með koju 90x200 og einbreiðu rúmi 80x200. Tvær aukadýnur eru á svefnlofti. Á baði er þvottavél.  Í eldhúsi er ísskápur með frysti, eldavél, bakarofni, uppþvottavél og örbylgjuofn og auk þess öll helstu áhöld sem þarf til matargerðar auk borðbúnaður fyrir 8 manns. Húsið er hitað upp með hitalögn í gólfi. Í húsinu er sjónvarp og útvarp. Gasgrill og á stórri verönd er heitur pottur. 

Athugið að stranglega bannað er framleigja bústaðinn til ættingja eða vina. 

Vanræki leigutaki að þrífa vel eftir sig fær hann fá á sig merkingu í orlofskerfinu og getur því ekki bókað hús á vefnum.

Orlofshúsin eru sameign sjóðfélaga, göngum um þau af alúð og sóma. Ef einhverju er ábótavant varðandi umgengni eða viðskilnað fyrri gesta vinsamlegast látið skrifstofu VFÍ vita.

Leiðarlýsing: 

Þegar komið er frá höfuðborgarsvæðinu um þjóðveg nr. 1: 

• Ekið í gegnum Selfoss og áfram austur í átt að Hellu, Hvolsvelli og Vík.
• Beygt til vinstri inn á veg nr. 30 Skeiða- og Hrunamannaveg (m.a. að Flúðum).
• Beygt til hægri inn á veg nr. 32 Þjórsárdalsveg.
• Ekið að Árnesi og beygt til vinstri rétt austan við bensínstöðina / verslunina.
• Síðan til hægri inn á veg nr. 325 Gnúpverjaveg og ekið örstutt að fyrsta afleggjara til hægri sem er merktur „Flatir“.
• Frá þeim afleggjara er húsið við þriðju heimkeyrslu til vinstri.