Compostela Beach Golf - Tenerife

Hótelið sem íbúðin okkar er í heitir Compostela Beach Golf Club 2, hún er staðsett við hliðina á hóteli sem heitir Marylanza. Á móti hótelinu er stór matvörumarkaður. Íbúðin er með gistirými fyrir 8 manns allt er til alls í íbúðinni.  Inní leigunni eru milliþrif og  loka þrif

Leynir 9 í landi Miðengis

Húsið er glæsilegt heilsárshús 94 fm og að auki er gestahús 26 fm.   á 1.ha. eignarlands skógi vaxið. húsið er búið öllum nútímaþægindum, 2 svefnherbergi,+ gestahús , gistrými fyrir 8 manns. Í gestahúsi er baðherbergi.

Dvergahraun 15 - Grímsnes

  Húsið er glæsilegt heilsárshús 145 fm að stærð  á 1.ha. eignarlands skógi vaxið. húsið er búið öllum nútímaþægindum, 3 svefnherbergi, svefnrými fyrir 10 manns. Á verönd er mjög rúmgóður glerskáli, þar er m.s pottur og góð setuaðstaða með gasloga í eldstæði til upphitunar.

Hrafnaland - Akureyri

Hálönd eru ofan Akureyrar, mitt á milli bæjarins og skíðasvæðisins í Hlíðarfjalli.  Þar er gert ráð fyrir byggingu fjölda orlofshúsa og jafnvel frekari ferðaþjónustu. Orlofshúsin í Hálöndum eru á einni hæð, 106m2 að stærð, staðsteypt, einangruð að utan og klædd liggjandi báruklæðningu.  Þak húsanna er einhalla. Í húsunum eru þrjú svefnherbergi með gistimöguleika fyrir 8 manns. Í alrými húsanna er góður eldhúskrókur, borð- og setustofa.  Tvær snyrtingar eru í hverju húsi, önnur hluti af baðaðstöðu sem tengist pottrými hússins en hin deilir rými með þvottaherbergi inn af inngangi húsanna. Pottrýmið er inni í húsunum en með beinu aðgengi út á suðurverönd í gegnum aðra af tveimur svalahurðum húsanna.  Við veröndina er steinsteypt skjólgirðing og heim að húsunum er steinsteypt stétt, útbúin snjóbræðslukerfi.  Stór geymsla með sérinngangi er í húsunum en þar geta gestir t.d. borið á skíði sín og geymt og þurrkað ýmsan viðlegubúnað. Hægt er að kaupa þrif hjá Securitas Akureyri að upphæð 17.000 kr. Við Ystuvík í Eyjafirði er frábær fjölskylduveiði , greitt er fyrir veidda fiska Lárus Orri Sigurðsson hefur umsjón með svæðinu í Hálöndum. Hlutverk Lárusar verður að fylgjast með ruslasvæðinu, panta auka losanir þegar þess þarf og sjá til þess að svæðið allt sé snyrtilegt. Einnig mun hann sjá um að snjómokstur sé framkvæmdur þegar húseigendur eru á staðnum og verður hann tengiliður okkar ef eitthvað kemur upp t.d. bílar fastir á brottfaradegi og þess háttar. Ef húseigendur þurfa iðnaðarmenn, þrif eða annað þá getur Lárus reddað fólki og aðstoðað í þeim efnum.

Hraunbrekkur -Húsafell

Stórglæsilegt heilsárshús við Hraunbrekkur í landi Húsafells í Borgarbyggð. Um er að ræða 116 fm hús.Húsið er fullbúið . Húsið er klætt með lerki að utan í bland við náttúrustein. Húsið stendur á 1.000 fm eignarlóð í kjarrivöxnu landi. Gert er ráð fyrir forstofu, stofu með útgengi út á sólpall,eldhúsi, þremur svefnherbergjum, snyrtingu með útgengi á sólpall, geymslu/þvottahúsi þar sem gengið er inn frá sólpalli. Stórir og miklir sólpallar. Steypt plata með hitalögn í gólfi. Hitaveita á staðnum.