Leita

Tímabil:
 
 
Stærð:
Vinsælar eignir Fleiri eignir >>
  • Skipagata - Akureyri

  •     Stórglæsileg íbúð á 4. hæð staðsett í hringiðu mannlífs í miðbæ Akureyrar. Íbúðin er með frábæru útsýni yfir sjóinn. Lyfta er í húsinu og aðgengi allt hið besta. Umgengni:Vinsamlegast göngum frá eignunum eins og við viljum koma að þeim. Verum til fyrirmyndar í þrifum eftir okkur.Allar ábendingar td. vöntun á borðbúnaði og glösum skal koma til rekstrarþjónustu. Ath. Ekki er leyfilegt að skilja eftir flöskur og dósir á staðnum. Annað hvort þarf að taka þær með sér heim eða fara með þær í Endurvinnsluna að Furuvöllum 11.  !ATH Ef gas klárast þá eru leigjendur vinsamlegast beðnir um að kaup nýja fyllingu og rukka svo STOR um kostnaðinn. Securitas sér ekki um að koma með nýjan kút. Komutími: 17:00 Brottför: 12:00 !ATH! Ekki verður hægt að leigja Skipagötuna á miðvikudögum í vetur.  Það er ekki fastur tími á brottför á þriðjudögum, né er fastur tími á komu á fimmtudögum.  Innifalið í leigu eru þrif við brottför.

  • Nánar >>
  • Úthlíð

  • Stórglæsilegt hús með gestahúsi. Staðsetningin er upp í hlíðinni í Úthlíð með útsýni sem er engu líkt. Aðalhúsið er með þremur svefnherbergjum, tveimur með hjónarúmum og einu með 1,20 rúmi. Gesthúsið er með einu svefnherbergi með hjónarúmi, auk salernis og sturtu. Til staðer er rúm fyrir fatlaða í útigeymslu (þarf að færa inn). Í útigeymslu er einnig þvottavél.  Komutími: 17:00 Brottför: 12:00 Hafa skal samband við bilanavaktina (sími 516-6200) á Bæjarhálsi til að opna hliðið (hlið 2 til vinstri hjá þjónustumiðstöðinni) við komu. Eingöngu við komu og brottför. Sími er svo í húsinu til að opna hlið. Þarf að taka símann með sér þegar farið er út úr húsi. Í símanum er nafn "Hlið 1" og "Hlið 2" sem gestir hringja sjálfir í þegar farið er út úr húsi á meðan dvöl stendur.  ATH! Það þarf að kveikja á neysluvatnsrofa í anddyri við komu og slökkva aftur á honum við brottför. ATH! Router er nú í Úthlíð og hægt að tengjast neti. Hann er við sjónvarpið og allar upplýsingar standa á honum.  Umgengni:Vinsamlegast göngum frá eignunum eins og við viljum koma að þeim. Verum til fyrirmyndar í þrifum eftir okkur.Allar ábendingar td. vöntun á borðbúnaði og glösum skal koma til rekstrarþjónustu.

  • Nánar >>
  • Félagsheimili

  • Reglur:       Félagsheimilið er eingöngu leigt til starfsmanna Orkuveitunnar, fyrir viðburði fyrir starfsmann, maka eða börn. Starfsmaðurinn sjálfur þarf að vera á staðnum alveg til síðasta gests, og ber 100% ábyrgð á öllu sem fer þar fram. Umsjónarmaður er í samskiptum við starfsmanninn sem leigir félagsheimilið varðandi veislu/viðburð, engan annan. Ef starfsmaður er ekki á staðnum allan tímann, verður STOR gert viðvart og starfsmaður fær sekt uppá 80.000 kr. og fær ekki að leigja félagsheimilið/orlofshús aftur í eitt ár frá leigutíma. Ef ekki hefur verið gengið frá eftir veislu samkvæmt uppgefnum tímasetningum; ef salurinn er ekki tilbúinn fyrir þrif við lok veislu, fær starfsmaður einnig sekt uppá 20.000 kr. og fær ekki að leigja félagsheimilið/orlofshús aftur í hálft ár frá leigutíma. Starfsmenn fá aðgang að félagsheimilinu í gegnum fyrirtækjaaðgangskort sitt, og samkvæmt reglum OR samstæðunnar er starfsmanni ekki heimilt að lána aðgangskort sitt undir neinum kringumstæðum. Verði starfsmaður uppvís að því verður það tilkynnt til starfsmannahalds. Almennt leigugjald er 80.000,- kr. Punktar eru ekki dregnir af starfsmönnum við almenna leigu. Þrif eru í öllum tilfellum innifalin í leigugjaldi og fá félagsmenn ekki afslátt af leigugjaldi gegn  því að þrífa sjálfir. Félagsmenn STOR geta leigt salinn á 45.000,- kr. einu sinni á hverju almanaksári. Við niðurgreidda leigu dragast 18 punktar af félagsmanni. Hægt er að leigja salinn 6 mánuði fram í tímann, nema um brúðkaup sé að ræða, þá er hægt að leigja hann 12 mánuði fram í tímann. Þegar um brúðkaup er að ræða, er skylt að leigja salinn frá föstudegi til sunnudags, og bætist þá 30.000 kr. við leigugjald. Ef um 80.000 kr. leigu er að ræða er kostnaður þá 110.000 kr.  Ef um 45.000 kr. leigu er að ræða er kostnaður þá 75.000 kr. Reykingar eru bannaðar í húsinu samkv. lögum um tóbaksvarnir, 2002 nr. 6 31. janúar. Heimil er aðeins ein leiga á sólarhring, nema í undantekningartilfellum sem þá eru ákveðin í samráði við stjórn STOR.   Óheimilt er að vera með hrísgrjónakast eða konfettí í eða við félagsheimilið. Við úthlutun leigu félagsheimilisins vegna ferminga þá ganga börn og svo barnabörn félagsmanna fyrir.          Félagsheimilið: Félagsheimilið í Elliðaárdal er leigt með húsgögnum, borðbúnaði og öð​rum lausamunum.  Húsið tekur 100 manns í sæti eða 150 manns í standandi boð. Hjá umsjónaraðila er hægt að fá leigða dúka á hagstæðu verði. (Greitt aukalega hjá umsjónaraðila) Óheimilt er að færa píanó, fjarlægja leigumuni, húsgögn eða aðra innanstokksmuni út úr húsinu.  Leiki einhver vafi á því hver sé réttmætur leigutaki ákveðins dag skal það lagt fyrir stjórn STOR. Ganga þarf frá leigusamningi og fullnaðargreiðslu við bókun leigu á orlofsvef STOR. Ekki er boðið upp á greiðsludreifingu. Félagsheimilið er til afnota fyrir leigutaka frá kl. 11:00 á leigudegi og skulu atburðir sem húsið er leigt fyrir eigi standa lengur en til kl. 02:00.  Húsið skal vera tómt og frágangi lokið kl. 03:00, nema þegar húsið hefur verið leigt alla helgina fyrir brúðkaup þá verður að vera búið að ljúka frágangi klukkan 12:00 á sunnudeginum.   Leigutaki sér um frágang á borðum og stólum í sal í samvinnu við starfsmenn hússins. Eldhús skal einnig frágengið. Allar kvartanir eða athugasemdir varðandi leigu skulu berast STOR, á stor@or.is Félagsheimilið leigist undantekningarlaust með starfsmanni.  Hlutverk hans er aðstoða við framkvæmd samkvæmis skv. samkomulagi við leigutaka og aðstoða í veislu.  ​Ef vín er veitt í veislum eða veislur eru að kvöldlagi eru aldrei færri en tveir starfsmenn frá húsinu. Umsjónarmaður hússins hefur ekki heimild til að gefa undanþágu frá þeirri reglu. Greiða þarf starfsmanni/-mönnum 5.000 kr á klst per starfsmann strax að leigu/ veislu lokinni (ath. kostnaðurinn er ekki innifalinn í leigugjaldinu​). Hægt er að óska eftir því að fá að skoða húsið hjá umsjónarmanni.  Séu skemmdir á húsbúnaði eða leirtaui sendir umsjónarmaður STOR upplýsingar um það strax eftir leigu. Leigutaka (félagsmanni STOR) er í kjölfarið sendur reikningur fyrir skemmdum. Umsjónarmaður er Daníel Ingi ​Jóhannsson ​matreiðslumeistari OR (Daniel.Ingi.Johannsson@or.is)   

  • Nánar >>
  • Hálönd - Akureyri

  • Nýtt stórglæsilegt hús í Hálöndum sem eru ofan Akureyrar, mitt á milli bæjarins og skíðasvæðisins í Hlíðarfjalli.  Heimilisfangið er Hrafnaland 4. Lyklabox 1967    Innifalið í leigu eru þrif við brottför. Ekki rúmföt á staðnum. !ATH! Ekki verður hægt að leigja Hálöndin á miðvikudögum í vetur.  Það er ekki fastur tími á brottför á þriðjudögum, né er fastur tími á komu á fimmtudögum.  Í húsunum eru þrjú svefnherbergi með gistimöguleika fyrir 9 manns,  8 rúm stærð 80x200 cm og 1 rúm stærð 163x200 cm, þarf af eru  4 efri kojur þar sem hámarksþyngd er 70 kg. Sem er þá í raun barna- og ungmennarúm  Í alrými er góður eldhúskrókur, borð- og setustofa.  Tvær snyrtingar eru í húsinu, önnur hluti af baðaðstöðu sem tengist pottrými hússins en hin deilir rými með þvottaherbergi inn af inngangi húsins.Pottrýmið er inni í húsinu en með beinu aðgengi út á suðurverönd í gegnum aðra af tveimur svalahurðum húsins.  Í húsinu eru viskastykki, pappír og hreinlætisvörur. Uppþvottavél er í eldhúsi ásamt borðbúnaði. Grill er staðsett á svölum. Sjónvarp, dvd tæki​, þvottavél og þurkari eru í húsinu. Þráðlaust net er í húsinu. Stór geymsla með sérinngangi er í húsinu en þar geta gestir t.d. borið á skíði sín og geymt og þurrkað ýmsan viðlegubúnað. Komutími: 17:00 Brottför: 12:00         !ATH Ef gas klárast þá eru leigjendur vinsamlegast beðnir um að kaupa nýja áfyllingu og rukka STOR fyrir kostnaðinum.   Það er öryggiskerfi í húsinu.  Á lyklakippunni er fjarstýring, sem menn ýta á af og á kerfi, þegar þeir koma og svo þegar þeir fara.  Hægt er að ýta á fjarstýringuna fyrir utan hús. Einnig er mælst til þess að þegar fólk er að láta renna í pottinn að þá hafi þeir hurð inn í hús lokaða, annars fyllist allt að gufu. Innifalið í leigu eru þrif við brottför.  Umgengni:Vinsamlegast göngum frá eignunum eins og við viljum koma að þeim. Verum til fyrirmyndar í þrifum eftir okkur.Allar ábendingar td. vöntun á borðbúnaði og glösum skal koma til rekstrarþjónustu. Ath. Ekki er leyfilegt að skilja eftir flöskur og dósir á staðnum. Annað hvort þarf að taka þær með sér heim eða fara með þær í Endurvinnsluna að Furuvöllum 11.  Innifalið í leigu eru þrif við brottför.   Hægt er að hafa samband við Aðbúnað ef eitthvað stendur útaf á staðnum. 

  • Nánar >>
  • Eyrarskógur 78

  • Mikilvægt er að sækja tuskur hjá Aðbúnaði fyrir brottför og skila skítugum tuskum til þeirra aftur. Eins væri gott fyrir Aðbúnað að vita hvort það vanti eitthvað af ræstivörum, þar sem gestir þrífa sjálfir eftir sig og enginn umsjónarmaður er með þetta orlofshús. Leigjendur þurfa að kaupa gas sjálfir, og senda svo kvittunina á adbunadur@or.is og fá þá endurgreitt.  Keyrt er sem leið liggur í gegnum Hvalfjarðargöng og beygt á hringtorgi í átt að Borgarnesi. Ekið er framhjá afleggjara inn Hvalfjörð og fljótlega kemur afleggjari til hægri merktur "Leirársveit". Ekið er í um 10 mínútur og koma þá 2 einbreiðar brýr, með stuttu millibili. Strax og komið er yfir síðari brúna er afleggjari til vinstri, merktur "Eyrarskógur".   Við innakstur á svæðið er bómuhlið. Til að komast í gegnum hliðið við komu þarf að hringja í þjónustuvakt Orkuveitunnar (5166200) og biðja um að hliðið sé opnað. Sími er svo í bústaðnum sjálfum (617 6342) , sem hægt er að nota til að opna hliðið á meðan á dvöl stendur. Lyklabox er staðsett á grindverki gegnt útidyrahurðinni. Númerið á lyklaboxinu er "7425". Lykillinn sem þar er að finna gengur að öllum hurðum á bústaðnum. Þegar inn er komið  þarf að fara í inntaksrými sem staðsett er í gestahúsinu. Best er að fara í gegnum salernið og inntaksrýmið er hægra megin í gestahúsinu. Þar er krani sem þarf að opna til að virkja neysluvatnið. Kraninn er lokaður þegar hann stendur þvert á rörið, en opinn þegar hann liggur í sömu stefnu og rörið. Á myndinni hér að neðan er kraninn opinn. Mikilvægt er að loka fyrir vatnið þegar bústaðurinn er yfirgefinn og opna fyrir krana á baði til að tæma allar lagnir. Það er nýr rafmagnspottur á staðnum. Nú á ekki að tæma pottinn heldur fylgja leiðbeiningum sem pípararnir skildu eftir í geymslunni þ.e. varðandi bætiefni varðandi sótthreinsun á honum. Mikilvægt að fara í sturtu fyrir pottaferðir. Alls ekki losa hann því það tekur rúmlega sólarhring fyrir pottinn að hita sig upp aftur þegar skipt er um vatn í honum. Saunaklefi er á staðnum, með frábæru útsýni yfir Eyrarvatn. Kveikt er á því með því að slá inn öryggi í töflu í anddyri bústaðarins. Hægra megin á botni gufuofnsins er tímastillir, sem þarf að ganga úr skugga um að sé í gangi eftir að kveikt er á gufunni. Gufuofninn er um 15 mínútur að hitna og gott er að fara þá inn í klefann og setja smá vatn á steinanna. Mikilvægt er að forðast að setja kalt vatn beint á elementin í ofninum, þar sem þau geta sprungið. Betra er að vatnið fari á steinanna sem eru ofan á elementunum og eins á veggi og loft í kringum ofninn. Þegar búið er að nota gufuna er mikilvægt að slá henni aftur út í rafmagnstöflunni, það er komin  ON/OFF rofi með tímaliða fyrir ofan töfluna. . TIl að kveikja ljósin á pallinum, í gufunni og í pottinum, þarf að kveikja rofa sem er staðsettur í gestahúsinu. Við hurðina inn í gestahúsið eru tveir rofar og rofinn sem er innar í rýminu kveikir ljósin í potti, gufu og á palli. Í aðalhúsinu eru tvö herbergi og svefnloft. Í stærra herberginu er rúm sem er 200 x 200 cm. Í hinu herberginu er koja, þar sem neðri kojan er 120 cm og efri kojan 80cm. Á svefnloftinu eru tvö einbreið 90cm. rúm og tvær 140cm dýnur. Í gestahúsinu er svo tvíbreitt 180cm rúm. Barnarúm er til staðar inn í stærra svefnherbergi aðalhúss. Athugið að koma með lök í réttri stærð fyrir þau rúm sem þið ætlið að nota.  Þrjú sjónvörp eru á staðnum. Sjónvarpskrókur er á svefnlofti, stórt sjónvarp í alrými og lítið sjónvarp í gestahúsi. HDMI snúrur eru við öll sjónvörp, en gestir eru hvattir til að koma með afruglara eða apple tv með sér. Öll sjónvörpin eru nettengd við net á staðnum. Til að tengjast netinu þarf að velja netið "OR-Eyrarskogur_Gestir" og lykilorðið er: "Almannagja1944".   Við innakstur inn á svæðið, innan við bómuhliðið, er gámasvæði. Þar er að finna gáma fyrir heimilissorp, flöskur og dósir og endurvinnanlegt sorp. Í endurvinnslugáminn má setja plast, pappa og málma. Galdurinn við gufuna er að hafa ofninn ekki á hæstu stillingu þegar verið er að hita hana upp. Sé ofninn hærra stilltur slekkur hann á sér innan þess tíma sem rofinn við töfluna er stilltur á. Þannig nær klefinn alveg 70 gráðum á rúmum hálftíma en fer ekki mikið yfir það og rifan undir hurðinni að henni tryggir viðvarandi gólfkulda.

  • Nánar >>