Sjúkraliðum gefst í sumar kostur á að gista í sumarhúsi við Fjarðará sem rennur í gegnum kaupstaðinn við Seyðisfjörð. Húsið er á fallegum stað við Árstíg og þar eru svefnpláss fyrir 4-6. Heimilt er að hafa með sér hund. Seyðisfjörður er einn fallegasti kaupstaður landsins og sérstaklega þekktur fyrir gömlu norsku húsin sem setja mikinn svip á staðinn, enda hefur hann gjarnan verið kallaður Norski bærinn eða Aldamótabærinn.