Í húsinu er stofa, borðstofa, eldhús og baðherbergi með sturtu, þrjú svefnherbergi með sjö rúmstæðum, barnarúm og tvær lausar dýnur. Húsið er leigt með sjö sængum/koddum, án sængurfatnaðar. Bústaðnum fylgir allur búnaður sem eðlilegt er að fylgi venjulegu heimilishaldi, borðbúnaður fyrir 10-12, útvarp, sjónvarp og gasgrill. Tæmist annar tveggja gaskúta er leigutaki beðinn um að láta fylla hann að nýju og senda félaginu reikninginn til greiðslu. Á 70 fm. verönd umhverfis húsið er heitur pottur fyrir 6 -7 manns. Einnig er gufubað á staðnum.