Glæsilegt hús, tekið í notkun um páska 2010. Húsið er u.þ.b. 55fm að stærð, tvö svefnherbergi, baðherbergi, eldhús og dagssofa. Í öðru svefnherbergi tvíbreitt rúm (167x205cm) í hinu herberginu koja með tvíbreiðu neðri koju, (153cmx200cm, ein dýna) einbreið efri koja, samtals gistirými fyrir 5 manns, sængur og koddar fylgja fyrir jafnmarga - skylt er að nota sængurlín í öll rúm - sængulín og handklæði fylgja ekki. Húsið er fullbúið húsgögnum og öllum almennum áhöldum til matargerðar, borðbúnaður er fyrir 12 manns. Ísskápur, eldavél og uppþvottavél (þvottaefni fylgir) Á rúmgóðri verönd er heitur pottur. Þvottavél (þvottaefni fylgir ekki), útihúsgögn og gasgrill eru í útigeymslu. Internet-tenging er í húsinu. Leiðbeiningar eru í húsinu með tengingar.

Húsið er í útleigu allt árið. Óheimilt er að vera með gæludýr í eða við húsið. Öll notkun dróna er bönnuð á orlofshúsasvæðunum, brot á því geta varðað brottvísun af svæðinu.

Aðstaða til leikja og útivistar á svæðinu er glæsileg og opin fyrir alla er svæðið gista. Þarna má finna: Fótboltavöll, körfuboltavöll, púttvöll, par 3 golfvöll, stór hoppubelgur, margs konar leiktæki og margt fleira. Veiði er leyfð í vatninu frá bökkum þess og allt að 10 metra frá landi, á sumrin er hægt að leigja bát hjá umsjónarmanni.