Akureyri - Seljahlíð

Íbúðin er að Seljahlíð 3c á Akureyri. Um er að ræða lítið raðhús sem er stofa og tvö svefnherbergi. Í hjónaherberginu er tvíbreitt stórt rúm, auk smábarnarúms og í hinu herberginu er koja með tvíbreiðu rúmi niðri, þar sem þrír geta sofið. Raðhúsið er búið öllum helstu nútímaþægindum, þvottavél, sjónvarpi, nettengingu og síma og þar er sérverönd með gasgrilli og útihúsgögnum. 

Brekkuskógur - Litla Brekka

Litla-Brekka er annað tveggja orlofshúsa Blaðamannafélags Íslands í Brekkuskógi. Í Litlu-Brekku eru tvö svefnherbergi, annað með ca 140 cm hjónarúmi og fataskápum og hitt með ca 80 cm breiðu rúmi og kojum. Í húsinu eru sængur en gestir þurfa að koma með lök og sængurver. Ekki er þvottavél í Litlu-Brekku. Húsið er orðið frekar lélegt og stendur til að fara í endurbætur á því á næsta ári. Heiti potturinn er stundum til leiðinda vegna þess hve lítið heitt vatn er á orlofshúsasvæðinu. Því tekur oft mjög langan tíma að fylla hann og stundum næst ekki nægilegur hiti á hann. Það stendur til bóta á næsta ári, en því miður er ekki hægt að laga það með litlum tilkostnaði og því verður það látið bíða þar til farið verður í allsherjarframkvæmdir. 

Brekkuskógur - Stóra Brekka

Stóra-Brekka er annað tveggja orlofshúsa Blaðamannafélags Íslands í Brekkuskógi. Í Stóru-Brekku eru tvö svefnherbergi, annað með ca 140 cm hjónarúmi og fataskápum og hitt með ca 80 cm breiðu rúmi og kojum. Einnig er stórt hjónarúm og svefnsófi í gestahúsinu. Þar er jafnframt lítill eldhúskrókur og baðherbergi. Í saunahúsi er infra-rauð sauna og sturta og í viðbyggingu er þvottavél. Í húsinu eru sængur en gestir þurfa að koma með lök og sængurver. Gamla húsið er orðið frekar lélegt og stendur til að fara í endurbætur á því á næsta ári. Heiti potturinn er stundum til leiðinda vegna þess hve lítið heitt vatn er á orlofshúsasvæðinu. Því tekur oft mjög langan tíma að fylla hann og stundum næst ekki nægilegur hiti á hann. Það stendur til bóta á næsta ári, en því miður er ekki hægt að laga það með litlum tilkostnaði og því verður það látið bíða þar til farið verður í allsherjarframkvæmdir.

Stykkishólmur - Arnarborg

Blaðamannafélagið býður upp á orlofshús í útjaðri Stykkishólms. Um er að ræða glæsilegt hús sem byggt var árið 2006. Húsið er 105 fermetrar að stærð  með þremur svefnherberjum og svefnlofti.  Samanlagt er svefnpláss í húsinu fyrir 12-14 manns.  Húsinu fylgir verönd og tölvustýrður pottur, auk alls sem tilheyrir nútíma heimilishaldi.