MATVÍS og Rafiðnaðarsamband Íslands hafa fest kaup á tveimur orlofshúsum á Flórída, nánar tiltekið í Rosemont Woods í Davenport. Um er að ræða lokað svæði (e. gated community) þar sem hliðvarsla er allan sólarhringinn. Orlofshúsin eru á tveimur hæðum og eru 5 herbergi í hvoru húsi með svefnplássi fyrir 10 manns. Tvö herbergi með King size rúmi, eitt herbergi með Queen size og tvö herbergi með tveimur einstaklings rúmum hvort. Fjögur salerni eru í húsunum. Sundlaugar eru við húsin auk þess sem leiksvæði er í bílskúrnum húsanna. Internet tenging. Félögin koma til með að samnýta þessi tvö hús frá og með 1. febrúar 2018. Gasgrill þarf að panta með 7 daga fyrirvara, er það gert með því að senda pöntun á: reservations@contempogroup.com  Verð fyrir eina vik/7daga er $60 ($8,57 fyrir hvern auka dag).

18 holu golfvöllur er innan svæðisins en völlurinn er hannaður af Michael Dasher. Í klúbbhúsi svæðisins er að finna veitingastað, bar, sundlauar með rennibrautum, tvo tennisvelli og ýmislegt fleira. Því er ljóst að félagsmenn ættu að geta fundið eitthvað við hæfi innan svæðisins.

Félagsmenn geta leigt orlofshús í dagleigu og er ætlast til að leigutímabil sé ekki lengra en 2 vikur í senn en þó er veittur sveigjanleiki á að leigja allt að þrjár vikur að hámarki. Fast gjald er fyrir hverja nótt sem leigð er eða kr. 12.000 auk þrifagjalds kr. 15.000 sem bætist við hverja leigu óháð tímalengd. Húsið er tilbúið fyrir félagsmann kl. 16:00 og skal yfirgefið í síðasta lagi kl. 10:00 að morgni brottfarardags.

Félagsmenn hafa aðgang að sundlaug og líkamsræktaraðstöðu í "klúbbhúsi" á svæðinu gegn framvísun leigusamnings.

Upplýsingar fyrir þá sem ætla sér að spila golf á Flórída má finna á http://www.providence-golf.com  

Þegar flogið er til Orlando International Airport (MCO) þá tekur það um 40 mínútur að keyra á orlofssvæðið (u.þ.b. 55 km). Einfaldast er að keyra Norður eftir vegi I-A inn á veg 528 WEST til Vesturs frá flugvellinum. Af 528 er farið inn á I-4 á Exit 58 og fylgja skilti sem vísar á Poinciana/Kissimmee og fara á Osceola Polk Line Rd. Því næst er beygt til hægri inn á Lake Wilson Rd. Næst kemur vinstri beygja inn á Ronald Reagan Pkwy. Þegar komið er að gatnamótunum á US-17 þá er beygt til hægri. Þá nálgast þú svæðið Providence og beygir til vinstri inn á svæðið. Þar kemur þú að lokuðu hliði þar sem vörður mun hleypa þér inn.

Auðveldast er að sjálfsögðu að nota GPS tæki eða Google Maps í farsíma (GPS hnit: 28°12´56,5"N 81°33´07.1"W)  Eða Google Maps í farsíma (hugið vel að gagnamagni í farsíma) til þess að finna svæðið og þá er leitað eftir "Rosemont Woods At Providence". Verslanir sem eru nærri svæðinu: Target - 5000 Grandview Pkwy, Davenport, FL 33837, Bandaríkin, Best Buy - 6300 Grandview Pkwy, Davenport, FL 33837, Bandaríkin, Walmart - 36205 US-27, Haines City, FL 33844, Bandaríkin.