Akureyri - Tjarnarlundur

Íbúð FFR á Akureyri er að Tjarnarlundi 19e.  Íbúðin er 86 fermetrar að stærð 3ja herbergja og skiptist í hjónaherbergi með tvíbreiðu rúmi 160x200, barnaherbergi með einbreiðu rúmi 120x200 og stofu með svefnsófa fyrir tvo, og er þaðan gengið út á svalir. Einnig er barnarúm og 2 auka dýnur í íbúðinni.  Íbúðin er skemmtilega staðsett með útsýni yfir KA-völlinn við Dalsbraut. Örstutt er í bakarí og matvöruverslun og aðeins stutt ganga niður í bæ.  Nýverið tók Akureyrarbær upp umfangsmikla flokkun sorps og er sérstök fata og pokar undir allan lífrænan úrgang í íbúðinni. Mjög mikilvægt er að farið sé eftir þessu í hvívetna ella kemur til sektar. Ílát undir pappír, gler og ál eiga að vera í milligangi.   Vetrarverð: Lágmarkskostnaður (virka daga): 4.000 kr.Heilgarleiga: 13.000 kr.Aukadagur (virkur dagur): 2.000 kr.Vikuleiga: 22.000 kr.       Sumarverð: Vikuleiga: 23.000 kr og 24 punktar 

Munaðarnes 42

Húsið okkar í Munaðarnesi, Eyrahlíð 42 var allt endurnýjað vorið 2022.  Þrjú svefnherbergi eru í húsinu.  Herbergi eitt er með hjónarúmi 180x200. Herbergi tvö, er  með koju þar sem neðri rúm er 160x200 og efri er 90x200 og Þriðja herbergið er með rúm 120x200. Einnig er barnarúm og því svefnpláss fyrir 7 til 8 manns Hafa þarf með sér handklæði og sængurföt.  Vetrarverð: Lágmarkskostnaður (virka daga): 4.000 kr.Heilgarleiga: 13.000 kr.Aukadagur (virkur dagur): 2.000 kr.Vikuleiga: 22.000 kr.     Sumarverð: Vikuleiga: 23.000 kr og 24 punktar 

Costa Adeje -Tenerife

Snotur nýuppgerð 75,1 m2 íbúð í rólegum og afgirtum íbúðakjarna sem ber heitið Residencial Benimar og stendur við Calle Reykjavik götuna á besta stað á Costa Adeje svæði Tenerife eyju.  Frábærar 13,2 m2 svalir eru út frá stofu þar sem menn geta horft yfir báðar útisundlaugarnar sem eru í sameigninni. Auk þessa fylgir 32 m2 stæði/geymsla íbúðinni okkar í bílakjallara.  Svefnpláss er fyrir 6 fullorðna í tveimur svefnherbergjum og á stórum svefnsófa í stofu. Í íbúðinni eru tvö baðherbergi, báðar með sturtu og fullbúið eldhús.  Ekkert gasgrill fylgir eigninni því þau eru ekki leyfð í íbúðakjarnanum sjálfum.  Það er von okkar að félagsmenn njóti dvalarinnar á nýja sælureitnum okkar en við viljum brýna fyrir félagsmönnum að félagsmaður sjálfur verður að dvelja í íbúðinni á meðan hann leigir hana.  Áríðandi að senda umsjónarmanni tölvupóst viku fyrir komu með upplýsingum um flug og fjölda gesta. Óheimilt er með öllu að framleigja íbúðina öðrum eða að leigja hana fyrir aðra. Íbúðin er einungis ætluð félagsmönnum og þeim sem hann ákveður að bjóða með sér til dvalarinnar. Við afhendingu lykla þarf félagsmaður að framvísa leigusamning og vegabréfi eða öðrum skilríkjum. Leigutími er 2 vikur (frá miðvikudegi til miðvikudags) yfir sumarorlofstíma. Leiguverð er 70.000 kr. fyrir tvær vikur, auk 36 punkta af punktainneign félagsmanns. Við brottför skilja félagsmenn 100 evrur eftir á eldhúsborði sem er greiðsla fyrir þrifum. Það er mikilvægt að menn muni eftir þessu því þetta eru laun þeirra sem vinna fyrir félagið við þrif og frágang. Vinsamlegast athugið að félagið endurgreiðir ekki dvöl sem félagsmaður hefur greitt nema að flug hafi fallið niður.  Ef félagsmaður þarf að aflýsa ferð og getur ekki nýtt leigu íbúðarinnar t.d. vegna veikinda er mönnum bent á að hafa samband við sitt tryggingafélag um bætur.