Eining-Iðja á samtals fjórtán orlofshús á Illugastöðum en nokkur þeirra eru leigð til annarra stéttarfélaga yfir sumarið í skiptum fyrir orlofshús annars staðar á landinu. Eitt af húsum félagsins er sérstaklega ætlað fyrir fatlaða einstaklinga, hús nr. 26.

Á Illugastöðum er meðal annars sundlaug og heitur pottur. Sundlaugin er lokuð yfir veturinn. Þjónustumiðstöðin er ekki opin.

Leikvöllur er á svæðinu með skemmtilegum leiktækjum fyrir börnin. Stutt er yfir í Vaglaskóg þar sem miklir möguleikar eru til gönguferða.

Komutími í hús er alltaf eftir kl.16:00.

Brottför úr húsi er fyrir kl. 12:00.

Ef leigja þarf lín eða handklæði er best að hafa samband í vaktsímann (sjá samning) milli kl. 13:00 og 17:00 á virkum dögum.

Mokstursdagar til Illugastaða um þjóðveg 1, eru mánudagar, miðvikudagar og föstudagar, en mokstri er hnikað til eftir veðri og færð.

Það er ekki snjómokstur á laugardögum á svæðinu. Vinsamlegast kynnið ykkur vertrarfærð áður en lagt er af stað, www.vegagerdin.is 

ATH !   Ekki er snjór mokaður (tröppur) heim að húsum, né pallurinn eða ofan af heitavatnspottinum. Snjóskófla á að vera við hvert hús.

Sjá nánar á heimasíðu orlofsbyggðarinnar