Húsið er 86,8 fm og var hannað sérstaklega með það í huga að henta fólki með skerta hreyfigetu. Í húsinu eru rafknúnar gardínur, ljós, gluggar og hurðar og engir þröskuldar. 3 svefnherbergi eru í húsinu.Hér er skjal sem fer yfir allan hjálparbúnað í húsinu.
Aðgengi að húsinu:Aðgengi að húsinu (staðsetningu hússins) er malarvegur með miklum halla sem erfitt er að komast yfir nema með bíl.
Það sama á við um vegina á svæðinu frá aðalvegi að húsi en það er rúmgóð verönd umhverfis húsið með upphituðu bílastæði og góðu aðgengi að útidyrahurð.
Forstofa:Rafknúin dyraopnun er á útidyrahurð.
Forstofan er með fatahengi og skóhillu ásamt skáp með helstu hreinsiáhöldum.
Á veggnum er fjarstýring fyrir heita pottinn.
Herbergi 1 (11,3 fm):Í herberginu er sjúkrarúm (Qvintett 90 cm x 200 cm) með rúmgálga og rafknúinni fótalyftu (Qurir) ásamt hækkanlegu og lækkanlegu hliðarborði. Einnig er einbreitt rúm sem er 90 cm x 200 cm. Útgengt á verönd úr herberginu, rafknúinn gluggi og gardínur.
Herbergi 2 (9 fm):Tvíbreitt rúm er í herberginu (2 dýnur saman, 90 cm x 200 cm hvor), náttborð og fataskápur.
Útgengt á verönd úr herberginu og opnanlegur gluggi.
Herbergi 3 (5,4 fm):2 kojur eru í herberginu, náttborð og ferðarúm fyrir barn ásamt opnanlegum glugga.
Efri kojan er 80 cm x 200 cm og neðri er 120 cm x 200 cm.
Baðherbergi (5,8 fm):Inn á baðherbergi er rafknúið skolsalerni (
Geberit Aquaclean Sela) með fjarstýringu og veggstoðum.
Góður vaskur, handklæðaofn og veggfestur skápur.
Í sturtunni er sturtustóll með baki og örmum og veggfest handföng.
Útgengt er á verönd af baðherberginu.
Stofa:Út úr stofunni er útgengt út á verönd með rafknúinni dyraopnun.Rafknúnar gardínur, sjónvarp, skenkur, rúmgóður leðursófi og sófaborð.Frítt internet er í húsinu.
Eldhús:Eldhúsinnréttingin er með upphækkanlegu eldhúsborði með vaski og eldavél og fjarstýring til að stýra eldhúsviftu (Eico).
Bakaraofn og innbyggður ísskápur ásamt örbylgjuofni og helstu raftækjum í eldhúsi.
Eldhúsborð, 6 borðstofustólar og borðbúnaður fyrir 10 manns.
Verönd:Á verönd er heitur pottur, garðhúsgögn (f 6 manns) og grill.
Geymsla:Í geymslunni má finna standlyftara
Sara Flex, flutningsbelti í stærð Large og veggfest hleðslutæki fyrir standlyftarann.
Einnig er sambyggð þvottavél og þurrkari.
Tuskur, viskustykki, moppur, klósettpappír og hreingerningarefni má finna í húsinu.
Þjónustumiðstöð: Er í nágrenni við húsið en er ekki með aðgengi fyrir hreyfihamlaða þar eins og er.
Lyklar & veghlið: Lyklar eru í lyklaskáp við útidyr.
Brýnt er að orlofsgestir setji lykil aftur í lyklabox þegar dvöl er lokið.
Aðgangsnúmerið af veghliði er það sama og númerið af lyklaboxinu.
Þrif: