Upplýsingar eignar  -  Spánn
Almennar upplýsingar
Nafn Spánn Tegund Íbúđ
Svćđi Erlendis Öryggis kóđi
Heimilisfang Avenida Delfina Viudes nr. 16a
Lýsing

Íbúðin okkar á í Torrevieja á Spáni hefur notið mikilla vinsælda. Ekki hvað síst hefur frábær staðsetning vakið ánægju meðal leigutaka en íbúðin er staðsett í c.a. 15 mínútna göngufæri frá miðbænum þar sem að fjöldi góðra veitingastaða er staðsettur og einnig eru verslanir, vatnsleikjagarður, diskótek og sjúkrahús í göngufæri.  Í íbúðinni eru tvö svefnherbergi, annað með hjónarúmi og hitt með tveimur rúmum.

Loftkæling er í íbúðinni sem hægt er að stilla á hita ef þarf yfir vetrartímann. Á þaki er sólverönd og eins lítil verönd við inngang íbúðar. Gistirými er fyrir 4-6 manns þar af tvo í svefnsófa í stofu. Íbúðinni fylgir rúmfatnaður, handklæði og diskaþurkkur. Í eldhúsi er allur búnaður til heimilishalds, örbylgjuofn og uppþvottavél og þvottavél er úti á litlu svölum út af eldhúsi. Sjónvarp með útsendingum íslenska sjónvarpsins ásamt fjölda annara sjónvarpsrása um gerfihnött og internetaðgangur er í íbúðinni. Gjaldfrí bílastæði eru við gangstétt fyrir framan húsið. Staðsetning er mjög góð með tilliti til verslunar og þjónustu. Habaneras verslunarmiðstöðin, Carrefour stórverslunin, fjöldi veitingastaða, leikjasalur, bíó og Aquapark- vatnsrennibrautargarðurinn er allt innan við 10 mín göngufæris. Gríðarstór "föstudagsmarkaður" er í næsta nágrenni opinn alla föstudaga milli kl. 8.00-14.00.  Einungis um 15 mín gangur er í miðbæ Torrevieja þar sem finna má Tívolí, veitinga staði,útmarkað, fjölda verslana og margt fleira. Um 20-30 mín. gangur er niður að strönd. Innan hálfs annars tíma fjarlægðar eru margir staðir sem vert er að heimsækja t.d. Río Safari dýragarðurinn, Terra Mitica skemmtigarðurinn og fjalla þorpið Guadalest.  Ótalinn fjöldi glæsilegra golfvalla er á Costa Blanca svæðinu og óhætt er að kalla svæðið "paradís golfarans".
 


Frá flugvellinum í Alicante er u.þ.b. 45 mínútna akstur til Torrevieja.