Leita

Tímabil:
 
 
Stærð:
Vinsælar eignir Fleiri eignir >>
  • Reykjavík

  • Íbúðin okkar í Hátúni 4, 3. hæð, í Reykjavík hefur sannað ágæti sitt. Um er að ræða 3ja herbergja íbúð á frábærum stað. Í hjónaherbergi er 180cm rúm, barnaherbergi er með 2 rúmum, 140 cm og 90 cm. Auk þess eru tvær lausar dýnur og ferðabarnarúm. Sex sængur og koddar eru í íbúðinni og er hægt er að leigja sængurfatnað (lín)  1.000 kr. fyrir manninn. Lyklar eru afhentir í samráði við skrifstofuna. Ekki er umsjónarmaður sem fer í íbúðina eftir hverja dvöl og því er ætlast til af okkar félagsmönnum  að þeir gangi vel um og skili snyrtilega af sér til næsta manns.  Í íbúðinni er frítt net, aðgangsorð á Vodafone rouder við sjónvarp. Athugið að það er bannað að framleigja orlofseignir til annarra og skal skráður leigjandi ávallt vera sá sem nýtir dvölina. 

  • Nánar >>
  • Flúðir, Galtaflöt 12

  • Á Flúðum eru 3 svefnherbergi. 2 með tvíbreiðum rúmum og það þriðja með koju og er neðri kojan 140 sm á breidd.  Rétt áður en komið er að Flúðum er tekinn afleggjari til hægri sem er merkur "Hruni". Þar er tekinn annar afleggjari til hægri merktur "Laufskálabyggð" Þaðan er ekið í 1,5 - 2 km þar til komið er að hliði sem er opið en eftir að ekið er í gegnum það er beygt til hægri og ekið fram hjá nokkrum bústöðum. Hús LL er klætt dökkgráu bárujárni og þar er lýsing í planinu, á ekki að fara neitt milli mála, húsið er það reisulegra en húsin sem farið var framhjá. Það er enginn umsjónarmaður sem fer í bústaðinn eftir hverja helgi svo við verðum að treysta á að okkar félagsmenn skilji við eins og þeir vilja sjálfir koma að bústaðnum.  Gas: Ef gasið klárast þá vinsamlega farið með kútinn í búðina á Flúðum og fáið áfyllingu, skrifast hjá LL 540574-0149.  Aukakúturinn á alltaf að vera fullur. Í skúrnum eru auka álbakkar til að hafa undir grillinu, þeim þarf að skipta út eftir þörfum, þar er líka plastskafa sem er hentug til að skafa hliðar grillsins að innan. Potturinn:  Potturinn er einfaldur í umgengni, hægt er að hleypa af honum vatninu og fylla á hann aftur frá geymslunni.Þegar vatn er losað úr pottinum þá er botnlokinn upp á hliðinni, ekki á botninum, þannig að alltaf verður eitthvað vatn eftir í botninum, í þvottahúsinu er dæla sem hægt er að nota til að tæma rest. Hitastigið á vatninu er stillt og er fólk beðið um að vera ekki að reyna að eiga við stýribúnaðinn. Tæma skal pottinn við brottför og skilja hann eftir hreinan og tóman.  Sýnið ýtrustu aðgát og leyfið ósyndum börnum aldrei að vera eftirlitslausum við opinn pottinn. Rusl: Athugið að taka með ykkur allt rusl, það er engin sorphirða á svæðinu. Það eru gámar við búðina og niður við Stóru-Laxá. Þvottur: Þar sem enginn er umsjónarmaðurinn þá mælumst við til um að dvalargestir skelli í eina suðuvél af tuskum og moppum ef á þarf að halda. Ef „slys“ verða og yfirdýnur þarfnast þvotta vinsamlega setjið þær á 60 gráður og skrifið gjarna miða til næsta gestar um af hvaða rúmi yfirdýnan er ef hún er blaut á þvottagrindinni við brottför. Hreinlætisvörur: Ef hreinlætisvörur vantar eða þið hafið einhverjar athugasemdir vinsamlega hafið samband við skrifstofu í síma 525-8360 eða 866-5145. Eða á netfangið gulla@logreglumenn.is    Gæludýr: Eru leyfð með ströngum skilyrðum um umgengni, þrífa þarf vandlega eftir dvöl og ekki leyfa þeim að vera upp í rúmum og sófum. Næsti gestur gæti haft ofnæmi/óþol fyrir dýrahárum.  Athugið að það er bannað að framleigja orlofseignir til annarra og skal skráður leigjandi ávallt vera sá sem nýtir dvölina. 

  • Nánar >>
  • Geysir

  • Glæsilegt orlofshús LL að Geysi í Haukadal í Biskupstungum var tekið í notkun sumarið 2007. Bústaðurinn er um 130 fermetrar. Neðri hæðin er um 78 fermetrar, þar er eldhús, stofa, baðherbergi og 3 svefnherbergi. Efri hæðin er um 56 fermetra svefnloft, sem er frekar lágt undir loft að hluta til en þar er þrjú rúm, tvíbreiður svefnsófi og fjórar aukadýnur. Dvalargestir þurfa að hafa með sér sængurföt (lín) handklæði, diskaþurrkur og WC pappír. Það er enginn umsjónarmaður sem fer í bústaðinn eftir hverja helgi svo við verðum að treysta á að okkar félagsmenn skilji við eins og þeir vilja sjálfir koma að bústaðnum.  Fáein minnisatriði: Gas: Ef gasið klárast þá vinsamlega farið með kútinn í Bjarnabúð í Reykholti og fáið áfyllingu, skrifast hjá LL 540574-0149.  Aukakúturinn á alltaf að vera fullur. Í skúrnum eru auka álbakkar til að hafa undir grillinu, þeim þarf að skipta út eftir þörfum, þar er líka plastskafa sem er hentug til að skafa hliðar grillsins að innan.  Potturinn: Þar sem að þetta er rafmagnspottur þá þarf að gæta fyllsta hreinlætis áður en farið er í pottinn, allir í sturtu. Ef vatnsborðið í pottinum hefur lækkað eins og oft vill gerast þá vinsamlega bætið vatni í pottinn með slöngunni sem er inni á baði (eða í skúrnum). Annars nær potturinn ekki að hita sig. Aukasíur eru inni í hitakompu. Klórtöflur eru settar í flotstykkið, þær eiga að skammta hæfilegt magn út í vatnið, bæta þarf í á ca viku fresti. Ef tæma þarf pottinn þá er krani á honum utanverðum vinstramegin séð frá húsinu og hann þarf að skrúfa til vinstri.  Það verður alltaf eitthvað vatn eftir en það er dæla inní skúrnum sem hægt er að nota og er hún miklu fljótari að tæma en þessi krani. Söluaðili bendir á að ekki er æskilegt að nota sápu við að þrífa pottinn, síubúnaðurinn er það öflugur að hann á að ná að þrífa pottinn. ATH það eru óhreinindi í vatninu ofan af Haukadalsheiði og því hefur engan tilgang að vera alltaf að skipta um vatn í pottinum.  Rusl: Athugið að taka með ykkur allt rusl, það er engin sorphirða á svæðinu. Tunnan fyrir utan er eingöngu til að verja rusl fyrir meindýrum á meðan þið eruð í bústaðnum. Gámastöðin er í Reykholti.  Þvottur: Þar sem enginn er umsjónarmaðurinn þá mælumst við til um að dvalargestir skelli í eina suðuvél af tuskum og moppum ef á þarf að halda. Hengja má þær á þvottagrind sem er annaðhvort í hitakompunni eða skúrnum. Ef „slys“ verða og yfirdýnur þarfnast þvotta vinsamlega setjið þær á 60 gráður og skrifið gjarna miða til næsta gestar um af hvaða rúmi yfirdýnan er ef hún er blaut á þvottagrindinni við brottför.  Hreinlætisvörur: Ef hreinlætisvörur vantar eða þið hafið einhverjar athugasemdir vinsamlega hafið samband við skrifstofu í síma 525-8360 eða 866-5145. Eða á netfangið gulla@logreglumenn.is        Gæludýr: Eru leyfð með ströngum skilyrðum um umgengni, þrífa þarf vandlega eftir dvöl og ekki leyfa þeim að vera upp í rúmum og sófum. Næsti gestur gæti haft ofnæmi/óþol fyrir dýrahárum.  Athugið að það er bannað að framleigja orlofseignir til annarra og skal skráður leigjandi ávallt vera sá sem nýtir dvölina.  Eftir er að finna nafn á bústaðinn og eru félagsmenn beðnir um að koma tillögur að nafngift og óskast þær sendar á netfang LL: ll@bsrb.is Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.

  • Nánar >>
  • Eiðar Hús 9

  • Sumarhúsabyggð BSRB að Eiðum stendur við Eiðavatn og þar á LL eitt hús með þremur svefnherbergjum (6 svefnstæði og 2 aukadýnur), stofu og eldhúsi.Húsinu fylgir árabátur. Lyklabox er utan á húsinu. Taka þarf með sængurfatnað, handklæði, tuskur og viskastykki, ruslapoka og salernispappír.  Egilsstaðir er næsti þéttbýliskjarni, en þangað er um 12 km. Þar er sundlaug, verslanir, banki o.fl.Náttúrufegurð Fljótsdalshéraðs lengi verið rómuð fyrir utan hvað kjörið er að gefa sér tíma til að skoða Austurlandið. Lífeyrisþegar hafa forgang leigu fyrstu fjórar vikur sumars Athugið að það er bannað að framleigja orlofseignir til annarra og skal skráður leigjandi ávallt vera sá sem nýtir dvölina. 

  • Nánar >>
  • Munaðarnes 68

  • Munaðarnes í Borgarfirði er óþarft að kynna því margir hafa dvalist þar í gegnum árin. Í húsinu  eru tvö herbergi með tvíbreiðum rúmum og eitt herbergi með tveimur einbreiðum rúmum  auk barnarúms. Húsið var endurbyggt 2020 og er það nú einstaklega glæsilegt og vel búið. Veröndin við húsin er stór og á henni heitur pottur. Lögð hefur verið áhersla á að merkja gönguleiðir um svæðið. Í Borgarfirði eru ótal útivistarmöguleikar. Sundlaugin að Varmalandi, Grábrók og eins hefur Skógrækt ríkisins opnað reit sinn við Hreðavatn til útivistar og gert gönguleiðir um svæðið, sem er sérstaklega skemmtilegt. Mjög stutt er að golfvellinum við Glanna og fylgir húsinu aðgangur að golfvellinum fyrir tvo. Sýna þarf leigusamning til að fá að spila frítt. Hundar eru stranglega bannaðir á svæðinu. Athugið að það er bannað að framleigja orlofseignir til annarra og skal skráður leigjandi ávallt vera sá sem nýtir dvölina. 

  • Nánar >>